კლიენტი
კერძო
ლოკაცია
წავკისი, თბილისი
ტერიტორია
900 მ2
წელი
2023
ფაზა
დამუშავების პროცესში
წავკისი ვილა
საცხოვრებელი სახლის პროექტი მდებარეობს წავკისში, თბილისთან ახლოს, საქართველოში. პროექტის ფარგლებში ჩატარდა გარემოსდაცვითი მონიტორინგი მიწის თვისებების შესაფასებლად და იმის გასაგებად, თუ როგორ იმოქმედებს შენობის დიზაინზე გაბატონებული ქარი და მზის რადიაცია. ანალიზი მოიცავდა ქარის სიმულაციას (CFD) და მზის რადიაციის შეფასებას.
შენობის მოპირკეთება, ფერების პალიტრა და სწორხაზოვანი ფასადი შეუფერხებლად ერწყმის ერთმანეთს და ქმნის დახვეწილ ექთეტიკას.
შენობების მოცულობის გადანაწილებისას პრიორიტეტული იყო რამდენიმე მოსაზრება:
- პირადი და სტუმრების ზონების განცალკევება: განლაგება უზრუნველყოფს მკაფიო განსხვავებას კერძო და სტუმრის სივრცეებს შორის.
- ტერასის ქარის ნაკადის შემცირება: მიღებული იყო ზომები ტერასაზე ქარის ზემოქმედების შესამცირებლად.
- უკანა შენობის ხედების შენარჩუნება: დიზაინი ინარჩუნებს ხედებს უკანა შენობიდან, რომელიც ასევე წარმოადგენს დამკვეთის საკუთრებას.
- ტერასისა და პარკინგის ხედების ოპტიმიზაცია: ტერასა და პარკინგის ადგილები სტრატეგიულად იყო განლაგებული სცენური ხედების მაქსიმალურად გასაუმჯობესებლად.
მთლიანობაში, ეს პროექტი ასახავს ელეგანტურობას, ფუნქციურობას და გარემოსთან ძლიერ კავშირს.
CFD ანალიზი
ძირითადი ქარის მიმართულება (ჩრდილო-დასავლეთი) შეესაბამება შენობის კონტექსტს. გარდა ამისა, შენობის დიზაინი აფერხებს ქარის მოძრაობას გარე სივრცის ქვედა ტერასისკენ და იცავს მას მოჭარბებული ქარისგან, განსაკუთრებით ზამთრის პერიოდში, როცა ქარის ეს მიმართულება დომინანტურია.
გადაჩრდილვის ანალიზი ასახავს იმ საათების ჯამურ რაოდენობას, როცა ზედაპირს მაქსიმალურად ეცემა მზე ან მიმდებარე ობიექტების გამო დაბლოკილია მზის პირდაპირი წვდომისაგან.
აღნიშნული ანალიზი ჩატარებულია ყველა გარე მისაწვდომ ზედაპირზე, ამ ტერიტორიაზე საერთო სურათის დასადგენად და იმ ზონების წარმოსაჩენად, რომელიც შეიძლება მეტად აღმოჩნდეს მზის ქვეშ და ამიტომ, პოტენციურად, მოითხოვდეს დაჩრდილვის გარკვეულ სტრატეგიას.
გარდა ამისა, კვლევაში ჩართული იყო შენობის იატაკები, რაც გვიჩვენებს მზის შეღწევის სიღრმეს სხვადასხვა სეზონის დროს.
მზის რადიაციის ანალიზი გვიჩვენებს მზის ენერგიის რაოდენობას ზედაპირზე. როგორც წესი, ეს მოწმდება ფანჯრებზე, პოტენციური გადახურების დასადგენად.
წლიური მზის რადიაციის შედეგების მიხედვით, ყველაზე სამხრეთით მდებარე ფანჯრების ქვედა ნაწილებზე მოდის რეკომენდირებულზე უფრო მეტი რადიაცია. ეს არ არის საგანგაშო, რადგან სახურავის შვერილების დიზაინი ითვალისწინებს ზამთრის მზის რადიაციას, როგორც ნაჩვენებია შემდეგ გვერდებზე.
